Digitale tenester

Bookbites

BookBites er ein lese- og utlånsapp for e-bøker og lydbøker. Alle kan laste ned appen og opprette ein brukar, men for å låne bøker må du ha eit nasjonalt lånekort frå biblioteket. Det er gratis å låne bøker i BookBites-appen.

Flipp

Flipp er ei teneste som gir deg fri tilgang til over 90 bestselgande magasin, ukeblader og teikneseriar frå Noreg, Sverige og Danmark. Gratis for deg via biblioteket. Last ned appen og kople deg på nettverket til biblioteket. Registrer deg som brukar. Du har full tilgang til Flipp i sju dagar. Etter det må du innom biblioteket for å oppdatere tilgangen.

PressReader

PressReader tilbyr aviser og tidskrifter frå heile verda. For å få tilgang til PressReader på mobil og nettbrett, må du laste ned appen PressReader og kople deg på nettverket på biblioteket. Du har då full tilgang til PressReader i sju dagar. Etter sju dagar må du innom biblioteket att og gå inn på appen for å få oppdatert tilgangen.

Link til Pressreader

Filmoteket

Vi tilbyr strøyming av kvalitetsfilmar gjennom Filmoteket. Filmen kan sjåast på fleire einingar og i alle kjente nettlesarar. Du kan og overføre filmen til ein større skjerm via AirPlay og Chromecast. Logg inn med lånenummer og pinkode frå biblioteket. Stikk innom oss om du manglar noko.

FilmBib

Filmbib er ei strømmeteneste for norsk kort- og dokumentarfilm. Du får tilgang til tenesta via ditt nasjonale lånekort. Logg på med lånekortnummer og PIN-kode. Filmbib er tilgjengeleg på PC, smarttelefon og nettbrett.

Link til filmbib.no

Lesekroken

Lesekroken er eit tilbod som er tilrettelagt for minoritetsspråklege, fleirkulturelle, to-språklege og etnisk norske. Lesekroken inneheld e-bøker og e-lydbøker med eventyr frå Asbjørnsen og Moe sine samlingar på bokmål og nynorsk, samt 21 av dei mest vanlege framandspråka i Noreg. I tillegg finn de interaktive aktivitetar til eventyra. De kan nytte publikumspassordet LesekrokÅrdal for å logge på nettstaden.

Nettbiblioteket

På nettbiblioteket til Nasjonalbiblioteket kan du lese både gamle og nye, digitaliserte aviser. Det er også tilgang til søk i tidsskrift frå før år 2000.

Lesedigg

Lesedigg er ein nettstad for barn. Her kan du sjølv finne bøker som passar deg. Prøv til dømes funksjonen “Finn ei bok for meg”

Verdensbiblioteket

På Verdensbiblioteket finn du e-bøker og lydbøker på fleire språk. Tenesta er gratis, og du opprettar sjølv ein brukar med e-postadresse og passord. Verdensbiblioteket er gratis å bruke og ope for alle som besøker sida frå ei norsk IP-adresse