Kva skjer?
Fritidsutstyr
Årdal bibliotek har fritidsutstyr til utlån. Vi har ski, stavar, skisko, skøyter, truger, pulkar (ein barnepulk, ein lastepulk), sekkar, bæremeis, kart og kompass, soveposar, telt, hengekøye, kokeapparat, frisbeegolf og sitte- og liggeunderlag.
DIGIhjelp
Slit du med noko på mobil, brett, eller PC? Gratis DIGIhjelp – Stikk innom eldresenteret på Tangen. Kl 9.00-10.30. Vi tilbyr grunnleggjande hjelp. Første onsdagen i kvar månad. Følgjande datoar: Onsdag 4. mars Passar ikkje tida for deg? Stikk innom i biblioteket si opningstid
Dagsturhytta
Dagsturhytta i Årdal er plassert på Moakamben, over Ytre Moa. Hytta ligg på ca. 245 moh. Ein kan starte turen frå Moa eller frå Lykkja i Utladalen. Dagsturhytta er eit lågterskeltilbod for turgåarar – ein plass for å ete matpakka si, få litt varme i seg og bla i bøker. Hytta har eit bibliotek med mange ulike bøker.
Lokalhistorie
I lokalhistoriesamlinga til biblioteket kan du finne bøker, fotografi, filmar, artiklar, årbøker og lokalhistoriske oppgåver med mykje informasjon om Årdal og bygdene rundt. Stadig meir blir tilgjengeleg via Nasjonalbiblioteket sitt nettbibliotek. Det er mogleg å søkje på t.d. aviser, bøker, bilete, handskrifter, radio og film.